Grinter Slaghuis Resies: 20 Augustus 2016
Grinter Slaghuis Resies: 20 Augustus 2016
11 Bote het deelgeneem aan die resies na Pamsbaai wat veronderstel was die Broekspruit-resies te wees. Die wind was die bepalende factor met ‘n gemiddelde windspoed van 6 knope.
Die laaste bote het ‘n deel van die storm uit die suidweste egter gevang wat nogal groot konsternasie veroorssak het op Felicity. Selfs Numix, nuwe boot van Christo en Claudia, moes vasbyt.
Die resies is geborg deur Andrew Grinter met vleispakke. Dankie aan Andrew vir baie lekker vleis wat ons teen Eagles se steiltes gebraai het.
Dit was ‘n onverggetlike aand onder ‘n helder maan. Die groot vuur en blink water het gesorg vir die hitte, want die luggie was koud. Die bote het met die boeg teen skuinste vasgemaak wat vir sommige ‘n moeilike afklim en opklim beteken het. Christa van Hennie wat verjaar het, was die eerste om redelik diep in die water moes staan om die Carodene aan wal vas te maak.Maak gereed! Dit was seker die eerste keer dat die drie Farr’s langs mekaar op ‘n eiland vasgemaak het. Die storm het ons op aandag gehou, maar na ‘n ligte reen het dit finaal gewyk en kon ons rustig braai en daar oornag. Wat ‘n wonderlike oggend het ons gehad met ‘n misbank na die suide. Caz en sy voltal bemanning het besluit om die land te verlaat en die laaste van die storm geseil terug hawe toe. Hulle is oortuig dit was die lekkerste seil ooit. Hulle het glo die misbank in die hawe ook gehad.
Die resies het ge-eindig tussen Eagles en ‘n boei wat deur Carodene gewen is. Geluk aan Hennie en sy bemanning.
Nuusbrief is geskryf deur Daan de Waal-baie dankie oom Daan vir jou mooi opsomming van die naweek se gebeure.
