Sheraton Regatta en algemene jaarvergaderig
Van die oomblik wat die uitnodigings uitgestuur is, het ons reeds besef dat dié naweek iets baie besonders gaan wees – ‘n “driegang aansit ete en semi-formele drag,” is nie iets wat ons klubhuis gereëld beleef nie?
En dit was dan ook die “vibe” Saterdagoggend. Sommiges het luilekker rond gedrentel en orals geselsies aangeknoop, terwyl ander met ‘n spoed gearriveer het, en met kinders, koelsakke en kleresakke uit hulle motors uitgepeul het om koorsagtig te begin regmaak vir die “skippersmeeting” om 10h00.
Die ernstige seilers was baie teleurgesteld met Windfinder wat nie wind gereël het vir die regatta nie, maar een van die lede het van wind gelees in die Volksblad en het gesê ons moet positief bly….! Nodeloos om te sê, het die bote saggies- saggies oor die beginlyn in die rigting van Walters begin dryf vir ‘n rustige seiltjie.
Some took the race very serious, while others joined in just for the fun of it. The bravest of all was the solo sailor who went for a swim during the race… and WON the race! (Secret tacticts?) As expected, was Peter, by far, the first boat to round Walters, while the rest of the fleet drifted towards the finish line and were in the harbor just in time for the AGM.
Die vergadering het in ‘n gemoedelike en ontspanne gees plaasgevind en die agenda en finansieële verslag is kundig deurgedraf.
Toe die klomp skoongewastes en semi-formeles om 7 uur die klubuis binnestap, het ons mekaar skaars herken. En kyk, ‘n yachtie se semi-formeel, is eie aan ‘n yachtie! Die tafels was sprokiesmooi gedek en die trofeëtafel het gekreun. Die semi-formeles was gou gou HEELTEMAL oorboord en informeel en met luide toejuiging, aplous, flitsende kameras en baie geterg, het die trofeës een vir een base gekry. Die rumoer en musiek het tot ounag aangehou. Dankie Daleen en Wikus, die ete en bediening was onverbeterlik!
Uitslae van die Sheraton Regatta November 2016
Trofees:
Sondagoggens was die tradisionele verbyvaart van bote waarmee die lede die kommadoor bedank vir sy leiding gedurende die jaar.
Trofeës uitgedeel vir 2016
Baie dankie aan almal vir ‘n wonderlike, ongelukvrye en geseënde jaar!
Kom ons maak 2017 nog beter!
Yachtie groete,
Christa van der Loo
